შარმტრეიდინგი საქართველოში ეკონომიკური და პოლიტიკური არასტაბილურობის პერიოდში დაარსდა. მიუხედავად არსებული გამოწვევებისა, კომპანია წარმატებით განვითარდა და გახდა ერთ-ერთი პირველი, რომელმაც საქართველოში ევროპული ტიპის სადისტრიბუციო ბიზნეს მოდელი დანერგა.

ამ წარმატებას მნიშვნელოვნად შეუწყო ხელი ჩვენი უცხოელი პარტნიორების, განსაკუთრებით გერმანული კომპანიის Schwarzkopf & Henkel და საერთაშორისო მწარმოებელი Unilever-ის მხარდაჭერამ. მათ გადამწყვეტი როლი ითამაშეს ჩვენი სადისტრიბუციო შესაძლებლობების განვითარებაში, რაც საშუალებას გვაძლევს, ვიყოთ მსოფლიოს წამყვანი ბრენდების ექსკლუზიური დისტრიბუტორი.

შარმტრეიდინგი ერთ-ერთი უმსხვილესი დამსაქმებელია საქართველოში, სადაც 600-ზე მეტი მოტივირებული პროფესიონალი მუშაობს. ჩვენ დიდ ინვესტიციას ვდებთ ადამიანურ კაპიტალში, ხელს ვუწყობთ პოზიტიური სამუშაო გარემოს შექმნას და თითოეული თანამშრომლისთვის უწყვეტი პროფესიული განვითარების შესაძლებლობებს.

შარმტრეიდინგმა სწრაფად გააფართოვა თავისი საქმიანობა ქვეყნის მასშტაბით რეგიონალური ფილიალების საშუალებით და დაამყარა ბიზნეს კავშირები საერთაშორისო მწარმოებელთან. ჩვენი პარტნიორების ურყევი ნდობისა და ეფექტური ბიზნეს სტრატეგიების წყალობით, საქართველოში მივიღეთ მრავალი გლობალური ბრენდის დისტრიბუციის ექსკლუზიური უფლება.

დღეს შარმტრეიდინგი ამაყად მართავს ისეთი ცნობილი ბრენდების მრავალფეროვან პორტფელს, როგორიცაა: Unilever, Henkel, Eczacibasi, Tchibo, Carlsberg,Essity ,Colgate და სხვა.

ჩვენი მიზანია მომხმარებლისთვის ხელმისაწვდომი გავხადოთ გლობალური ბრენდები, რომლებსაც ისინი ენდობიან. კვალიფიციური სადისტრიბუციო ქსელი ქვეყნის მასშტაბით ემსახურება სავაჭრო და არასავაჭრო ობიექტებს, მათ შორის სალონებს, და უზრუნველვყოფს დროულ და საიმედო მიწოდებას.